Բերեզովսկին և Հովսեփյանը հայկական ֆուտբոլի լեգենդներն են. Հենրիխ Մխիթարյան

Հայաստանի հավաքականի ու Դոնեցկի «Շախտյորի» կիսապաշտպան Հենրիխ Մխիթարյանը հարցազրույց է տվել ՈւԵՖԱ-ի մեդիայի բաժանմունքի թղթակցին: Հարցազրույցը ներկայացնում ենք կրճատումով:

- Հայաստանի հավաքականըհոկտեմբերին իրառաջինտնային հանդիպումըկանցկացնի Աշխարհի 2014թվականի առաջնությանընտրականփուլում՝ընդունելովսեփական հարկի տակ Իտալիային: Կարո՞ղեն արդյոքհայերը խնդիրներ ստեղծել նման լուրջ թիմի,ինչպես նաևմյուս մրցակիցների համար:

- Մենք կփորձենք ամեն ինչ անել, որպեսզի ոչ միայն խնդիրներ ստեղծենք իտալացիների համար, այլ նաև կխաղանք հաղթանակի համար: Չէ՞ որ մենք հանդես ենք գալիս սեփական հարկի տակ, մեր երկրպագուների առջև: Մենք պետք է ամեն ինչ անենք՝ հաղթանակի համար:

- Ի՞նչ կասեք Իտալիայի հավաքականի հոյակապմրցելույթների մասին՝ Եվրո-2012-ի եզրափակիչ փուլում: Նրանքմինչև եզրափակիչ հասան:

- Իմ կարծիքով, Իտալիան ամենադիտարժան ֆուտբոլը ցուցադրեց մրցաշարի հենց մեկնարկից: Իտալացիները արժանի էին խաղալ եզրափակիչում: Ու չնայած 0:4 հաշվով պարտությանը, նրանք արժանի մրցակից էին:

- Ի՞նչ արդյունք եք ակնկալում Իտալիայի հետ խաղում:

- Ես գիտեմ, որ սա մեծ փորձություն է մեզ համար: Ու մենք լավ խաղ ենք ակնկալում: Մենք մեր երկրի համար ենք խաղում, ու ամեն ինչ կանենք, որ հաղթանակ տոնենք:

- Կարո՞ղ է արդյոք Հայաստանը դուրս գալ խմբից:

- Մենք չենք մտածում այն մասին, թե ում կհաղթենք կամ ում կպարտվենք: Մենք փորձում ենք հաղթել ցանկացած խաղում:

- Որո՞նք են Հայաստանի ազգային հավաքականի ուժեղ կողմերը:

- Չնայած նրան, որ մենք մի շարք երիտասարդ ֆուտբոլիստներ ունենք կազմում, բայց թիմը մոտիվացված է հաղթանակների: Մենք փորձում ենք աջակցել միմյանց: Ու եթե նույնիսկ ինչ-որ մեկը սխալ է թույլ տալիս, ոչ ոք նրան չի մեղադրում:

- Կարո՞ղ եք մեկնաբանել Վարդան Մինասյանի աշխատանքը: Ինչպիսի՞ն է նրա ազդեցությունը թիմի վրա:

- Նա շատ երիտասարդ ու լավ մարզիչ է: Մենք ուրախ ենք աշխատել նման մասնագետի հետ:

- Դուք աշխատել եք նրա հետ «Փյունիկում»: Արդյո՞ք դա առանձնահատուկ է դարձնում Ձերհարաբերությունները:

- Ամենակարևորն այն է, որ նա հասկանում է ֆուտբոլիստներին: Մինասյանը պրոֆեսիոնալ ֆուտբոլիստի կարիերան մի քանի տարի առաջ է ավարտել: Նա մեզ խորհուրդներ է տալիս, որպեսզի կարողանանք զարգանալ:

- Վերջին երեք տարվա ընթացքում երկու անգամ Դուք դարձել եք «Հայաստանի տարվա լավագույնֆուտբոլիստ»: Ի՞նչեք կարծում, Ձեր առաջխաղացումը այս երեք տարիների ընթացքում մե՞ծ է:

- Ես չեմ կարող այդ մասին դատել: Ես կցանկանայի շարունակել առաջխաղացումը: Կցանկանայի շնորհակալական խոսքեր ասել իմ թիմին: Առանց նրանց այս ամենն անհնար կլիներ: Ես ամեն օր աշխատում եմ, որ էլ ավելի մեծ առաջխաղացում ապրեմ:

- Հայաստանի հավաքականը ունի մի քանի փորձառու առաջատարներ, օրինակ Ռոման Բերեզովսկին ևՍարգիսՀովսեփյանը: Դուք նույնպես փորձ ունեք ելույթ ունենալու, այնպիսի խոշոր մրցաշարերում, ինչպիսին,օրինակՉեմիպոնների լիգան է: Ի՞նչ եք կարծում, մոտ ժամանակներս Դուք կդառնա՞ք թիմի առաջատարներից մեկը:

-Դա շատ մեծ պատիվ է ինձ համար՝ խաղալ այդպիսի ֆուտբոլիստների հետ, նրանք՝ հայկական ֆուտբոլի լեգենդներ են: Ես շատ եմ սովորում նրանցից' դաշտում և դաշտից դուրս: Ես ցանկանում եմ օգտակար լինել իմ թիմին և հետագայում հասնել այն խաղացողների մակարդակին, որոնց դուք հիշատակեցիք:

- Հոկտեմբերին Սարգիս Հովսեփյանը հավաքականում կնշի իր կարիերայի 20-ամյակը: Դուք կարո՞ղ եք մեզինչ-որբան պատմել նրանից: Ի՞նչպես է մոտիվացնում այդպիսի խաղացողի ներկայությունը ուրիշֆուտբոլիստներին:

-Նրա ջանասիրությունը օրինակ է ծառայում մեզ' երիտասարդ խաղացողներիս համար:

- Ո՞րքանով է կարևոր Սարգիս Հովսեփյանը հայկական ֆուտբոլի և սպորտի համար:

-Նա Հայաստանի հավերժ առաջատարն է: Նա հիանալի օրինակ է երիտասարդ ֆուտբոլիստների համար:

- Դուք կարծում եք, որ աճե՞լ եք, որպես խաղացող, այն բանից հետո, երբ սկսեցիք աշխատել Միրչա Լուչեսկույիհետ:

- Ես փորձում եմ աշխատել՝ ամեն րոպե, ամեն ժամ, ամեն օր, որպեսզի աճեմ և օգնեմ իմ թիմին: Անում եմ ամեն ինչ, որ չվատնեմ մարզչի վստահությունը, քանի որ նա միշտ եղել է հիանալի մարզիչ իմ համար: Ի շնորհիվ Միրչա Լուչեսկուի, Ուկրաինայի առաջնությունում արդեն խփել եմ 11 գոլ' 8 հանդիպման ընթացքում:

- Ի՞նչպես եք վերաբերվում Չեմպիոնների լիգայի վիճակահանությանը: Դուք հանդիպելու եք' «Չելսիին», «Յուվենտուսին» և«Նորդսյելանդին»:

- Մենք ի վիճակի ենք դուրս գալ խմբից: Միրչա Լուչեսկուն կբացատրի մեզ, ինչպես պայքարել մրցակիցների հետ և մենք հույս ունենք' անցնել հաջորդ փուլ:

- Ի՞նչքանով են փոխվել «Շախտյորի» հավակնությունները եվրագավաթների հետ կապված, այն պահից ի վեր,երբ Դուքտեղափոխվեցիք ակումբ:

-Անցած տարվա համեմատ, երբ մենք խաղում էին, ոչ այնքան լավ, այս տարի մենք կանենք ամեն ինչ, որպեսզի հասնենք փլեյ-օֆֆ: Այսօր մեր երկրպագուների սպասելիքները ուրիշ են և ես կարծում եմ, որ մենք կարող ենք անցնել հաջորդ փուլ:

- Ո՞րքանով է «Շախտյորի» խաղաոճը համապատասխանում ձեր մրցակիցների դեմ խաղալու համար:

-Եթե մենք խաղանք մեր խաղը, ապա մենք կարող ենք մրցակցել' այդ երեք թիմից ցանկացած ի հետ: 8 տարվա ընթացքում Միրչա Լուչեսկուն լավ թիմ է կառուցել և ես չեմ կարծում, որ ուրիշ մարզիչ, ի վիճակի էր նույնը կրկնելու: Շատ մեծ բավականություն է խաղալ, այդպիսի մարզչի գլխավորությամբ:

- Ի՞նչպիսի եզրակացություններ են արվել ակումբի կողմից, Չեմպիոնների լիգայում անցած տարվա ելույթիցհետո:

-Մենք կանենք ամեն ինչ, որ ցույց տանք լավ ֆուտբոլ և մենք կապացուցենք, որ անցած տարվա անհաջողությունը՝ մի քանի հանգամանքների զուգադիպություն էր:

- Ո՞ր գործոնը կլինի վճռական, նրա համար, որպեսզի դուրս գաք Չեմպիոնների լիգայի հաջորդ փուլ:

-Լավ ֆուտբոլը և լավ արդյունքը: